La paix brisée

Depuis le jour fatal que vos gens com-

mencerent à pulluler dans le Royaume,

depuis que Calvin eut envenimé ceste

Monarchie de ses monstrueuses & dam-

nables propositions, on n’a veu naistre

que malheurs, que desolation, que calami-

tez publiques, que guerres, & que discor-

de parmy la France ; cest Empire, aupa-

ravant le sejour de la paix & la demeure

ordinaire des vertus, où avec seureté elles

avoient restabli les anciennes richesses

du Siecle de Saturne, & fait renaistre la

majesté auguste de nos premiers peres, &

des sacrez rejettons de l’Eglise, a esté d’au-

tant rabaissée de son premier degré qu’au-

paravant il avoit un ascendant advanta-

geux sur les autres parties du monde ; nos

temples, auparavant l’honneur de l’Euro-

pe, & où Dieu estoit vrayment recogneu,

furent la carriere où vos fureurs borne-

rent leurs courses, pillans, bruslans, sac-

cageans & ravissant toutes les richesses

qui s’y rencontroient ; vous y avez exer-

cé mille & mille cruautez & insolences ;

mais depuis quelque temps, où vous a

porté vostre rage effrenée, n’avons-nous

pas veu à nos yeux, depuis deux ans, tou-

te la Guienne, le Languedoc, Gevo-

dan, Vivarets, Poitou & autres provin-

ces souffrir des extorsions estranges pour

vostre suject ? quelle pillerie n’a exercé

Soubise au Poitou (mais il en a payé les

arrerages) que n’ont pas fait ceux de la

Rochelle & de Montauban, sur leurs

voysins mesmes, & sur ceux qui estoient

de leur religion ! Que n’a on point exco-

gité à Nismes, Castres & Mont-pellier,

pour s’opposer directement au service du

Roy, en vain pourtant : car tost ou tard

il faut succomber & quitter cest os si long

temps rongé par vous, il faut demordre

& abandonner les places où vous avez

deliberé d’establir vostre Empire, voicy

des jours qui vous sont bien caniculaires

& climateriques. Avec combien de regret

voyez vous tous les jours empieter de

nouvelles places sur vous, avec quelle

douleur voyez vous tant de lauriers & de

palmes se joindre aux victoires & triom-

phes du Roy, pour luy faire une guirlan-

de qui fera éternellement reverdir son

courage ? Mais il vous faut prendre pa-

tience, l’Eglise de Christ ne sera pas tous-

jours affligée, le troupeau esleu ne sera

pas tousjours tourmenté des loups, il

faut tacher à prendre courage, & ne per-

dre du tout vostre premiere vigueur, voi-

cy un COURT-BOUILLON que je vous

apporte pour vous remettre en vostre

pristine santé, & vous reintegrer en vos

premieres forces, puis que LA FORCE vous

a quitté au besoin, & qu’il a abandonné la

bergerie, aussi bien que DU MOULIN, v⁣o-

stre pasteur ; vous m’accuserez peut estre

de trop de temerité de vous avoir prepa-

ré ce bouillon en un temps si facheux, & où

il semble que le Ciel n’ait des foudres

que pour se vanger de vos revoltes ; tou-

tesfois, ce n’est que l’affection que j’ay à

vos merites qui m’y a poussé ; je vous eusse

bien apporté un potage blanc pour vous

refaire de toutes les camisades qu’on

vous a donné depuis deux ans, mais j’ay

bien preveu que cela vous eut eschaufé le

sang davantage. J’avois du commencement

quelque intention de vous faire un ha-

chis : mais me souvenant qu’on vous en

avoit fait manger un plat dans l’Isle de

Rié, & que journelement le Roy vous

nourrit et entretient de telles viandes, j’ay

desisté de ma proposition, de vous apor-

ter une capilotade, ou quelque fricassée

à la huguenotte eut esté renouveller les

anciennes ligues. J’ay mieux aymé vous

accommoder au COVRT-BOVILLON,

puis que de vous mesmes vous aymez LA

SAVSSE D’ALLEMAGNE, & le haut goust.

Le lieu où je vous veux apprester &

faire cuire ce Court-bouillon, ce sont

vos villes propres qui serviront d’ingre-

diens à vous mesmes pour finir vos jours ;

la Rochelle me fournira de vinaigre,

Montauban de verjeus, Mont-pellier de

poyvre, Castres de cloux de girofle, Nis-

mes d’espice, & Sedan de tous les autres

ingrediens necessaires à ce Court-bouil-

lon, vinaigre qui vous doit faire sentir

l’aspreté de ses pointes, & le goust indi-

geste de sa crudité, verjus qui ne laissera

meurir d’avantage vos desseins & vos

monopolles ains par un restringent à ce

requis vous coupera l’herbe sous le pied,

pour vous faire savourer l’acrimonie de

son goust, poivre qui vous eschaufera te-

lement le sang, que la pleuresie butinera

le reste de vos jours, cloux de girofles

qui doivent enfin vous faire sentir les

pointes de l’ire du Ciel, espices qui feront

que le procez ne sera jugé qu’à vostre des-

advantage, & pour couper court, parlant

de Court-bouillon, ingrediens qui par la

mixtion dangereuse de leur nature doi-

vent bien tost engendrer en vous des

qualitez contraires, qui vous contrain-

dront de quitter la place. Cest à toy

BOVILLON, qui jusques icy a si bien fait la

chattemite, pour te joindre aux Raistres,

que toy & tes compagnons ont fait venir

à leurs secours, cest à toy à qui le premier

je veux bailler à humer ce Court-bouil-

lon, jusques icy je n’ay fait que la Sausse,

les Raistres me serviront de poisson, ou

pour mieux dire de poizon, pour vous

faire tous succomber sous vos revoltes.

Monsieur de Nevers, prince genereux,

sera celuy qui vous contraindra de l’aval-

ler malgré vous, Manfeld y trouvera de

quoy contenter ses appetits, mais garde la

queuë, on ne les laissera pas venir jusques

à Auneau, la frontiere est assez capable

de les ensevelir. Pour Nismes & Castres,

rien ne leur servira d’avoir le duc de

Rohan ; avec eux M. le Prince [de Condé] leur fera

avaller ce Bouillon, à Mont-pellier il y

fait bien chaud pour les habitans qui sont

desja à demy poivrez ; le Roy leur donne

d’estranges restringens, & le duc Dedi-

guieres [de Lesdiguières], qui ne s’oubliera pas à leur faire

humer le potage, il se souvient encor de

l’afront qu’on luy fit au massacre du Pre-

sident du Cros, qu’il y avoit envoyé ; rien

ne leur servira d’avoir toute l’escholle de

medecine avec eux pour consulter leur

maladie, puis qu’une pleuresie ne consiste

qu’en la seignée. Il y a de bons chirur-

giens en l’armée du Roy ; Monsieur de

Zamet leur a desja monstré, que nonob-

stant la peur qu’il leur donna, il sçeut bien

tirer du sang de leur troupes derniere-

ment, pour Montauban, puis qu’il four-

nit le verjus, cest bien la raison qu’on luy

face prendre ce Court-bouillon à demi

cuit. Monsieur de Vandosme luy fera ce

bon office, à fin de relever les citoyens

des fatigues qu’ils ont eu depuis le com-

mencement du siege ; quant à la Rochelle,

elle aura moyen avec le temps, de mettre

de l’eau en son vin ; je sçay bien qu’elle

trouvera ce Court-bouillon bien aigre, il

faudra pourtant l’avaller. Monsieur le

Comte de Soissons, & Monsieur de Guise,

qui tienent les advenuës, sçauront bien

prendre le temps, & l’occasion de luy

donner cest ingrédient ; cela luy donnera

des sincoppes, mal de cœur & indigestions

d’estomach ; mais en ce cas, le meilleur

sera de prendre patience, & de prier Dieu

pour les mal traittez, & ce que je trouve

de pire est que les medecins de Mont-

pellier ne pouront venir au secours : car

ils sont bien empeschez.